თბილისში ევროპის თავისუფალი ვაჭრობის ასოციაციის (EFTA) ორგანიზებით სამდღიანი საერთაშორისო სემინარი იმართება.ღონისძიება დღეს გაიხსნა და მისი მთავარი თემა ფასების სტატისტიკის განვითარება და ევროპული გამოცდილების გაზიარებაა. სემინარზე განიხილება ისეთი საკითხები როგორიცაა, სამომხმარებლო ფასების ინდექსი, მონაცემათა შეგროვება და წყაროები, ინდექსის გაანგარიშება, მსყიდველობითი უნარის პარიტეტი და ა.შ. სემინარს უძღვებიან შვეიცარიისა და ნორვეგიის სტატისტიკის სამსახურების წარმომადგენლები. 
"თბილისი რუმსში" გამართულ სემინარს ესწრებიან საქართველოს, აზერბაიჯანის, ბელორუსიის, სომხეთის, ყაზახეთის, ყირგიზეთის, მოლდოვის, მონღოლეთის, ტაჯიკეთის, თურქმენეთის, უზბეკეთის და უკრაინის სტატისტიკური სამსახურის წარმომადგენლები.