საქართველოს სტატისტიკის ეროვნულ სამსახურში "საქართველოს სოფლის მეურნეობის, გარემოსა და სოფლის სტატისტიკის სტრატეგიული გეგმა (SPAERS) 2016-2020" -ის მმართველი კომიტეტის შეხვედრა გაიმართა. უწყებაში გამართული შეხვედრის ძირითადი საკითხები იყო - SPAERS-ით განსაზღვრული ღონისძიებების მიმდინარეობა და მათი სტატუსი, SPAERS-ით დაგეგმილ ღონისძიებებთან დაკავშირებული სამომავლო გეგმები, SPAERS-ით გათვალისწინებული ღონისძიებების შესასრულებლად საჭირო რესურსების მოზიდვის შესაძლებლობები. შეხვედრაზე ასევე ისაუბრეს საქსტატის მიერ განხორციელებულ სიახლეებსა და დაგეგმილ ქმედებებზე. 
საქართველოს სოფლის მეურნეობის, გარემოსა და სოფლის სტატისტიკის სტრატეგიული გეგმა (SPAERS) 2016-2020" გაეროს სურსათისა და სოფლის მეურნეობის ორგანიზაციის (FAO) ტექნიკური დახმარებით, საქართველოს სოფლის მეურნეობის სამინისტროს და საქართველოს გარემოსა და ბუნებრივი რესურსების დაცვის სამინისტროს მჭიდრო თანამშრომლობითაა შემუშავებული. 
საქსტატში გამართულ SPAERS-ის მმართველი კომიტეტის შეხვედრას უწყების ხელმძღვანელობასთან ერთად საქართველოს სოფლის მეურნების მინისტრის მოადგილე რევაზ ასათიანი, საქართველოს გარემოსა და ბუნებრივი რესურსების დაცვის მინისტრის მოადგილე ეკატერინე გრიგალავა, გაეროს სურსათისა და სოფლის მეურნეობის ორგანიზაციისა (FAO) და USDA-ს მაღალი დონის წარმომადგენლები დაესწრნენ.