საქართველოს სტატისტიკის ეროვნულ სამსახურში მიმდინარე ორკვირიანი სემინარი ,,სტატისტიკა პრაქტიკაში“ (STAC – Statistics in Action) დასრულდა. სასწავლო კურსი, რომელიც შვედეთის სტატისტიკის თანამშრომლობის პროექტის ფარგლებში მიმდინარეობდა უწყების ახალი თანამშრომლებისთვის იყო გამიზნული. 
კურსი მოიცავდა სტატისტიკური კვლევის ცოდნის გაუმჯობესებას საქსტატის თანამშრომლებს შორის და შედგებოდა როგორც, თეორიული ისე პრაქტიკული ნაწილებისაგან. სწავლების ფარგლებში მონაწილეებმა საქსტატის თანამშორომელთა კმაყოფილების კვლევა ჩაატარეს, რაც გულისხმობდა, მათ მიერ მომზადებული კითხვარების გამოყენებით ინფორმაციის შეგროვებას. შემაჯამებელ შეხვედრაზე მონაწილეებმა კვლევის შედეგების პრეზენტაციასთან ერთად, ერთობლივად შემუშავებული დეტალური ანგარიშიც წარმოადგინეს. დოკუმენტში ცხრილებისა და გრაფიკების სახით დეტალურად იყო აღნიშნული საქსტატის თანამშრომლთა კმაყოფილების სხვადასხვა ასპექტები. სასწავლო კურსის დასრულებისას შეხვედრის მონაწილეებს კურსის წარმატებით გავლის დამადასტურებელი სერთიფიკატები გადეცათ. 
როგორც ცნობილია, მსგავსი კურსი შვედეთის სტატისტიკის ცენტრალურ ბიუროსთან თანამშრომობის პროექტის ფარგლებში, მეორედ ტარდება. წელს კურსში მონაწილეობა საქსტატის 19 თანამშრომელმა მიიღო, რომლებიც სხვადასხვა დარგობრივ სამმართველოში მუშაობენ.