ზოგადი მიმოხილვა
ხელფასების სტატისტიკური გამოკვლევა საწარმოებსა და ორგანიზაციებში რამდენიმე ათეული წელია ტარდება. 2006 წლიდან გამოკვლევა ორ დამოუკიდებელ გამოკვლევას ეყრდნობა:
- „საწარმოთა სტატისტიკური გამოკვლევა" — არაფინანსური კორპორაციების გამოკვლევა, რომელიც მოიცავს შრომის სტატისტიკის მოდულს
- „მონაცემები შრომის შესახებ" — არასამეწარმეო სფეროსა და ფინანსური დაწესებულებების გამოკვლევა
შერჩევის ზომა და მოცვა
შერჩევის ჩარჩო, მოცვა და პერიოდულობა| საკვლევი ობიექტი | საწარმო, ორგანიზაცია |
| გამოკვლევის პერიოდულობა | კვარტალური, წლიური |
| შერჩევის ჩარჩო | ბიზნეს რეგისტრი |
| შერჩევის ზომა | კვარტალური — ≈ 15 000 სუბიექტი წლიური — ≈ 18 000 სუბიექტი |
| შერჩევის განახლება | ყოველწლიურად |
| კითხვარები | საწარმოთა სტატისტიკური გამოკვლევა (კვარტალური, წლიური) |
| მონაცემები შრომის შესახებ (კვარტალური, წლიური) |
საწარმოებისა და ორგანიზაციების მოცვა
გამოკვლევა მოიცავს ყველა ორგანიზაციულ-სამართლებრივი ფორმისა და საკუთრების ტიპის საწარმოსა და ორგანიზაციას.
დარგობრივი მოცვა
გამოკვლევა მოიცავს ეკონომიკური საქმიანობის სახეების კლასიფიკაციის (NACE Rev.2) A–S სექციებში შემავალ ყველა ეკონომიკურ საქმიანობას, გარდა ბაზრებსა და ბაზრობებზე საცალო ვაჭრობის განმახორციელებელი საწარმოებისა.
დასაქმებულთა მოცვა
გამოკვლევა მოიცავს საწარმოში/ორგანიზაციაში სრული და არასრული სამუშაო დროით დასაქმებულ პირებს, რომელთა შრომითი ურთიერთობა რეგულირდება საწარმოსთან/ორგანიზაციასთან დადებული ხელშეკრულებით (კონტრაქტით).
სრული მოცვა
- ცენტრალური და ადგილობრივი ბიუჯეტის დაფინანსებაზე მყოფი ორგანიზაციები (საჯარო სკოლებისა და ქ. თბილისის საბავშვო ბაღების გამოკლებით);
- მსხვილი საწარმოები და ორგანიზაციები.
შერჩევითი მოცვა
- საშუალო და მცირე ზომის საწარმოები;
- საჯარო სკოლები და ქ. თბილისის საბავშვო ბაგა-ბაღები;
- არასახელმწიფო ა(ა)იპ-ები.
შერჩევის დიზაინი
შერჩევის მეთოდი: სტრატიფიცირებული შემთხვევითი შერჩევა.
სტრატიფიკაციის ცვლადები:
- ეკონომიკური საქმიანობის სახე (NACE Rev.2);
- საწარმოს ზომა (მსხვილი, საშუალო, მცირე);
- რეგიონი.
საწარმოთა კლასიფიკაცია ზომის მიხედვით
| საწარმოს ზომა | 2017 წლამდე | 2017 წლიდან | ||
|---|---|---|---|---|
| დასაქმებულთა საშ. წლიური რიცხოვნობა | საშ. წლიური ბრუნვა (მლნ. ლარი) | დასაქმებულთა საშ. წლიური რიცხოვნობა | საშ. წლიური ბრუნვა (მლნ. ლარი) | |
| მსხვილი | >100 | >1.5 | >249 | >60 |
| საშუალო | 20–100 | 0.5–1.5 | 50–249 | 12–60 |
| მცირე | <20 | <0.5 | <50 | <12 |
მეთოდოლოგიური საფუძვლები
შსო-ს სტანდარტები
ხელფასების გამოკვლევა ეფუძნება შრომის საერთაშორისო ორგანიზაციის (შსო) სტანდარტებსა და მეთოდოლოგიურ რეკომენდაციებს.
ეკონომიკური საქმიანობის სახეების კლასიფიკაცია
ძირითადი განმარტებები
დასაქმება, შრომის ანაზღაურება და საშუალო ხელფასიდაქირავებით დასაქმებული
შრომის ანაზღაურება
შრომის ანაზღაურება (დარიცხული ხელფასის ფონდი საშემოსავლო გადასახადის ჩათვლით) მოიცავს:
- ძირითადი ხელფასი, გაცემული ნამუშევარი დროის ან შესრულებული სამუშაოს მიხედვით
- დანამატი, პრემია და სხვა წამახალისებელი სახის გასაცემლები
- საკომპენსაციო და სხვა გასაცემლები, რომლებიც დაერიცხა დასაქმებულ პერსონალს საანგარიშო პერიოდის განმავლობაში ნამუშევარი და არანამუშევარი დროისათვის (შვებულება, მოცდენები)
- ნატურით გაცემული ხელფასის ღირებულება
საშუალო თვიური ნომინალური ხელფასი
-
საშუალო თვიური
ნომინალური ხელფასი = შრომის ანაზღაურება (ხელფასის ფონდი)დაქირავებულთა საშუალო რიცხოვნობა × საანგარიშო პერიოდის თვეების რაოდენობა
გავრცელება
მონაცემები ხელმისაწვდომია
- ეკონომიკური საქმიანობის სახეების მიხედვით
- სქესის მიხედვით
- სამეწარმეო (ბიზნეს სექტორი) და არასამეწარმეო სფეროების მიხედვით
- საკუთრების ფორმის მიხედვით (სახელმწიფო, არასახელმწიფო)
- რეგიონების მიხედვით